Qazaqstanda 7-9 mamyrda kún jyly bolady
NUR-SULTAN. QazAqparat - «Qazgıdromet» RMK 2019 jyldyń 7-9 mamyryna arnalǵan aýa raıy málimetin usynady, dep habarlaıdy «QazAqparat» HAA.
«Aldaǵy úsh táýlik boıy qazaqstandyqtar úshin aýa raıy qolaıly bolady. Antıtsıklonnyń áserinen mereke kúnderi jyly ári bultsyz bolady dep kútiledi. Soltústik, ortalyq, shyǵys jáne ońtústik oblystarda kúndiz aýa temperatýrasy + 22...28°S deıin jylıdy, keı jerlerde +30...33°S. Ońtústik shyǵystaǵy jaýyn-shashyn toqtap, kún jylynady», - dep habarlady «Qazgıdromet».
Sınoptıkterdiń boljaýynsha, batys óńirlerde ótkinshi jaýyn jaýady dep kútiledi, biraq munda da sýyq bolmaıdy. Kúndiz aýa temperatýrasy + 20...25, keı jerlerde + 26...31°S.
