Qazaqstanda 67 medıtsına qyzmetkeri naýqastardan koronavırýs juqtyrdy
NUR-SULTAN. QazAqparat – Qazaqstanda koronavırýs indetine 67 medıtsına qyzmetkeri shaldyqty, dep habarlaıdy QazAqparat coronavirus2020.kz saıtyna silteme jasap.
«6 sáýirdegi jaǵdaı boıynsha, koronavırýs ınfektsııasymen syrqattaný jaǵdaılary 8 óńirde tirkeldi: Aqmola oblysy – 1, Atyraý oblysy – 2, Qaraǵandy oblysy – 4, Qyzylorda oblysy-1, Soltústik Qazaqstan oblysy – 6, Túrkistan oblysy – 1, Almaty qalasy – 21, Nur-Sultan - 31. Qazaqstan Respýblıkasy boıynsha barlyǵy - 67 jaǵdaı», - delingen aqparatta.
Osylaısha, COVID-19 dıagnozy bar patsıenttermen jumys isteıtin dárigerlerdiń syrqattaný jaǵdaılary barlyq oqıǵalardyń 10% quraıdy.
«Qazirgi ýaqytta, bir medıtsına qyzmetkeri aýyr jaǵdaıda, 9 naýqastyń jaǵdaıy - ortasha . Qalǵan 57 sımptomdarsyz jáne jaǵdaıy qanaǵattanarlyq, hattamaǵa sáıkes emdeýden ótedi», - delingen QR Densaýlyq saqtaý mınıstrliginiń aqparatynda.
