Qazaqstanda 65 jastan asqan adamdardy pnevmokokk ınfektsııasyna qarsy vaktsınatsııalaý máselesi pysyqtalýda
NUR-SULTAN. QazAqparat – Qazaqstanda 65 jastan asqan adamdardy pnevmokokk ınfektsııasyna qarsy vaktsınatsııalaý máselesi pysyqtalýda. Bul jaıynda Májilis depýtattarynyń saýalyna oraı QR Densaýlyq saqtaý mınıstri Alekseı Tsoıdyń jaýabynda aıtylǵan, dep habarlaıdy QazAqparat tilshisi.
«Dúnıejúzilik densaýlyq saqtaý uıymynyń halyqtyń sezimtal toptaryn pnevmokokk ınfektsııasyna jáne maýsymdyq tumaýǵa qarsy vaktsınalarmen ımmýndaýdy basymdaý jónindegi usynymdaryn eskere otyryp, COVID-19 pandemııasy barysynda ımmýndaý baǵdarlamalary úshin negiz qalaýshy prıntsıp retinde mınıstrlik 65 jastan asqan adamdardy respýblıkalyq bıýdjet esebinen vaktsınatsııalaý múmkindigi týraly máseleni pysyqtaýda. Qazirgi kezde osy kategorııadaǵy adamdar úshin pnevmokokk ınfektsııasyna qarsy vaktsınanyń qosymsha kólemindegi aldyn ala qajettilik anyqtaldy. Bul rette, eresekterde ımmýndyq qorǵanys qalyptastyrý úshin bir rettik vaktsınatsııalaý jetkilikti», - dedi mınıstr.
Onyń dereginshe, pnevmokokk ınfektsııasyna qarsy vaktsınanyń qosymsha kólemindegi qazirgi qajettisi 998 700 doza, boljamdy soma – 9,16 mlrd teńge shamasynda.
«Pnevmokokk ınfektsııasyna qarsy kórsetilgen táýekel toptaǵy adamdardy vaktsınatsııalaýdy uıymdastyrý jáne júrgizý úshin mynanar qajet: 9,16 mlrd teńge qajetti qarjy qarajatyn bólý; 65 jastan asqan adamdardy pnemokokk ınfektsııasyna qarsy ımmýndaýǵa jatatyn halyq toptaryna kirgizý bóliginde 2020 jylǵy 24 qyrkúıektegi № 612 qaýlyǵa ózgeris engizý; pnevmokokk ınfektsııasyna qarsy vaktsınany satyp alý jáne jetkizýdi iske asyrý, ol belgili bir ýaqytty (3-ten 9 aıǵa deıin) qajet etedi; halyqtyń egýge jatatyn tobyn ımmýndaýdy uıymdastyrý jáne júrgizý», - dedi ol.
Alekseı Tsoıdyń atap ótýinshe,. Qazaqstan Respýblıkasy Úkimetiniń «Mindetti áleýmettik medıtsınalyq saqtandyrý júıesindegi medıtsınalyq kómektiń tizbesin bekitý týraly» 2019 jylǵy 20 maýsymdaǵy № 421 qaýlysyna sáıkes áleýmettik medıtsınalyq saqtandyrý qorynyń aktıvteri esebinen kórsetiletin medıtsınalyq qyzmetterdiń tizbesi bekitilgen.
«Bul tizbege vaktsınatsııalaý kirmegen, osyǵan baılanysty, profılaktıkalyq egýler tegin medıtsınalyq kómektiń kepildik berilgen kólemi sheńberinde júrgiziledi. 23-valenttik pnevmokokk vaktsınasy polısaharıdtik bolyp tabylady jáne nusqaýlyqqa sáıkes ımmýndyq qorǵanysh úshin 3 jyldan keıin revaktsınatsııa júrgizýdi talap etedi, al konıýgatsııalanǵan vaktsına tek bir ret engiziledi. Osyǵan baılanysty, Qazaqstanda ımmýndaý maqsatynda konıýgatsııalanǵan pnevmokokk vaktsınasy qoldanylady», - dedi mınıstr.
