Qazaqstanda 65 jasqa jetip, jumys istep júrgen zeınetkerler 200 myńǵa jýyq

ASTANA. QazAqparat - Búginde Qazaqstanda 65 jasqa jetip, jumys istep júrgen zeınetkerler 200 myńǵa jetti. Bul týraly QR Prezıdenti janyndaǵy Adam quqyqtary jónindegi komıssııasynyń keńeıtilgen otyrysynda QR Densaýlyq saqtaý jáne áleýmettik damý mınıstri Tamara Dúısenova málim etti.

«Búginde Qazaqstanda 1,9 mln. adam zeınet jasynda jáne olar ózderiniń zeınetaqylyq tólemderin alýda. 65 jastan asyp, jumys istep júrgenderdiń sany 200 myńǵa jýyq»,-dedi mınıstr.

T. Dúısenovanyń sózine qaraǵanda, qoldanystaǵy zańnamaǵa sáıkes, eger de adam zeınet jasyna deıin memlekettik qyzmette istep bolsa, onda jumys berýshi onymen kelisimshartty buzýǵa quqyly. Alaıda, bul maman qyzmetke qajet bilikti maman bolsa, jumys berýshi onymen kelisimshartty uzartýǵa quzyrly.

«Búginde densaýlyq saqtaý, bilim berý jáne áleýmettik damý salasynyń mamandary (zeınet jasyndaǵylar) jumystaryn jalǵastyrýda»,-dedi vedomstvo basshysy.