Qazaqstanda 6,4 mln tonna astyq bastyryldy

ASTANA. KAZINFORM – Búgingi tańda 4,2 mln ga dándi daqyldar jınaldy. Ortasha ónimdilik ónimdilik 15,3 ts / ga bolǵanda 6,4 mln tonna astyq bastyryldy. Bul týraly QR Aýylsharýashylyǵy mınıstrliginiń baspasóz qyzmeti málim etti.

Máselen, bıdaı 3 mln gektarǵa jýyq alqapta jınaldy, ónimdiligi 15,0 ts / ga 4,5 mln tonna, arpa – 926,7 myń ga, ónimdiligi 16,5 ts / ga bastyryldy 1,5 mln tonna, suly-36,1 myń ga, ónimdiligi 15,8 ts/ga 57 myń tonna.

Kartop 25 myń gektar alqaptan 268,3 ts/ga ónimdilikpen 669,8 myń tonna jınaldy, kókónis daqyldary 62,2 myń gektardan 247,7 ts/ga ónimdilikpen 1,5 mıllıon tonnadan astam jınaldy.

Baqsha daqyldary 88,9 myń ga alqaptan jınaldy, ónimdiligi 257,9 ts/ga, jalpy alym 2,3 mln tonnadan asty.

Egin jınaý naýqanyna 149,9 myń traktor, 37,6 myń astyq jınaıtyn kombaın, 14,9 myń oraq jáne 195 myń birlik basqa tehnıka jumyldyryldy.

Esterińizge sala keteıik, kóktemgi egis jáne egin jınaý jumystaryn jeńildetilgen qarjylandyrý kólemi 580 mlrd.teńgeni qurady, bul ótken jyldarmen salystyrǵanda 3 ese kóp.

Egin jınaý naýqanyn ótkizýdiń barlyq máseleleri erekshe baqylaýda.