Qazaqstanda 64 kedendik qyzmet úkimettik tizbege engizilmek

Bul týraly búgin QR Qarjy mınıstrligi Kedendik baqylaý komıteti janyndaǵy Konsýltatsııalyq keńestiń otyrysy barysynda atalǵan vedomstvonyń basshysy Májıt Esenbaev málim etti.

«Qazirgi ýaqytta 64 memlekettik qyzmet daıyndalý ústinde. Biz olarǵa saraptama júrgizýdemiz ári bolashaqta olardy da atalǵan qyzmet túrleri boıynsha standarttaý jáne reglamentteý, úkimettik tizbege kirgizýdi boljaýdamyz», - dedi ol.

Onyń paıymynsha, kedendik organdar júzege asyratyn qyzmetterge memlekettik mártebe berý barlyq memlekettik organdar úshin de mańyzdy másele bolyp tabylady. Sonymen qatar osy jyldyń ishinde komıtet qyzmettiń 6 túrin ekonomıkalyq operatsııalardyń barlyq  ókilettileri jumysy úshin standarttaýmen qatar reglamentteýge de nıet tanytyp otyr. Máselen, kedendik ókilder men kedendik tasymaldaýshylar tizbesine atalǵan qyzmetter túrin qosý júzege asyrylady.

«Munyń barlyǵy da naqty reglamentteledi jáne de biz jyl sońyna deıin olardy elektrondy nusqaǵa kóshiremiz dep senemiz», - dedi ol.