Qazaqstanda 610 myń gektar sýarmaly jer aınalymǵa engiziledi
«Ózderińiz de biletindeı, agrokeshendik úlken baǵdarlama qabyldanǵaly jatyr. Búgingi tańda baǵdarlama tolyǵymen daıyndalyp, tıisti memlekettik organdarǵa, qoǵamdyq uıymdarǵa, jergilikti ákimshilikterge taratylyp berildi. Qazir sońǵy málimetter tyńǵylyqty tekserilýde. Atalǵan baǵdarlamadaǵy eń ózekti máseleniń biri 610 myń gektar sýarmaly jerdi qalpyna keltirý bolyp otyr», - dedi komıtet basshysy.
Onyń atap ótýinshe, Qazaqstandaǵy sýarmaly jerdiń jalpy kólemi 1991 jylǵy 1 qańtardaǵy málimetterge sáıkes 2 mln. 335 myń gektar bolǵan. Al búgingi tańda sýarmaly jer retinde paıdalanylyp jatqany 1 mln. 398 myń gektardy quraıdy. Osyǵan oraı aýyl sharýashylyǵy atalǵan jerlerdi tolyǵymen tekserip, saraptama jasaǵan. Nátıjesinde jergilikti atqarýshy organdardyń naqty usynystarymen 610 myń gektar jerde qaıta qalpyna keltirý jumystary júrgizilmek.
«Al qalǵan 327 myń gektar jer keńes úkimeti tusynda, naryqtyq ekonomıka bolmaǵan kezde sol jerlerde eldi meken bolǵandyqtan, halyq áıteýir jumyspen aınalyssyn degen oımen qıyn da bolsa paıdalanylyp kelgen. Búgingi tańda sol jerlerdi sýarmaly jer jasap, paıdalanýdyń qajeti joq. Máselen, Ońtústik Qazaqstan oblysynyń Betpaq dalaǵa jaqyndaý Sozaq aýdanynda 800-900 metr jerastynan sý shyǵaryp, paıdalanylǵan. Olar bizdiń keleshektegi strategııalyq qorymyz. Sondyqtan osy sııaqty jerlerdiń esebinen jáne óte qatty sorlanyp ketken, búgingi kúni ony paıdalaný úshin óte mol qarjy shyǵarýdy qajet etetin 327 myń gektardaı jerdi qazirgi kúni paıdalanýdyń qajeti joq dep otyrmyz», - dedi Ábishev.
Sonymen qatar ol kóktemde lımandy sýlandyrylatyn shabyndyq jerler 1991 jyly 870 mń gektar bolsa, búgingi tańda onyń 368 myń gektary ǵana paıdalanylyp otyrǵandyǵyn atap ótti. Aldaǵy ýaqytta 273 myń gektar lımandy sýarylatyn jeri qalpyna keltirilmek.