Qazaqstanda 600 myńnan astam múgedek tirkelgen

ASTANA. QazAqparat - Qazaqstanda múmkindigi shekteýli 626 myń azamat tirkelgen. Onyń 76 myńǵa jýyǵy zaǵıp jandar. Bul jóninde kórý qabileti nashar adamdardyń quqyqtaryn saqtaý taqyrybyna arnalǵan dóńgelek ústel kezinde málim boldy.

«Bizdiń elde 2005 jyldan beri múmkindigi shekteýli azamattardyń sany týraly málimetter qory bar. Ol bazada 626 myń adam tirkelgen. Bul Qazaqstan halqynyń 3,7 paıyzyn quraıdy. Onyń ishinde 75 myń 900 adam kórý qabileti nashar jandar», - dep atap ótti QR Densaýlyq saqtaý jáne áleýmettik damý mınıstrligi áleýmettik qyzmetter departamentiniń dırektory Ajar Túleǵalıeva.

Onyń aıtýynsha, zaǵıp jandar múgedekterdiń ishinde sany jaǵynan altynshy orynda tur jáne 5,7 paıyzdy quraýda. Al múgedektiktiń kósh basyna qan aınalymy, onkologııalyq aýrýlar, jaraqat pen túberkýlez aýrýynan zardap shekkender enip otyr.

Respýblıkalaǵy statıstıkalyq málimetterdiń ortasha deńgeıin alatyn bolsaq, Qyzylorda men Aqtóbe oblystarynda kóz dertteri saldarynan múgedek atanǵan azamattar kóbeıip keledi.

Atalmysh sharany «Nur Otan» partııasy men QR Parlamenti májilisiniń qoldaýymen «Arjan» qoǵamdyq qory uıymdastyrdy.