Qazaqstanda 600-deı úı áli sý astynda - TJ komıteti
ASTANA. QazAqparat - Qazaqstanda kóktemgi tasqyn saldarynan sý astynda qalǵan 2400-den astam úıdiń 1800-i sýdan aryldy.
Bul týraly búgin QR ІІM TJK Tótenshe jaǵdaılardy joıý basqarmasynyń basshysy Alekseı Sovetov málim etti.
«Qazirgi ýaqytta sý basqan aýmaqtardan qardyń erigen sýyn soryp alý jáne arnasyn burý boıynsha júrgizilgen jumystyń arqasynda sý astynda qalǵan 2417 úıdiń 1831-inen sý shyǵaryldy. Sońǵy táýlik ishinde ǵana 575 úı qardyń erigen sýynan aryldy. Sonymen qatar 586 úı sý astynda qalyp tur: Aqmola oblysynda - 44 úı, Qaraǵandy oblysynda - 541 úı, sonyń ishinde Mustafın atyndaǵy kentte - 267 úı, 1 úı - Petropavl qalasynyń mańynda», - dep atap ótti ol.
