Qazaqstanda 600 bilim berý mekemesinde «e-Learning» elektrondy oqytý júıesi engizilgen - M.Ábenov
ASTANA. 28 mamyr. QazAqparat - Qazaqstanda 600 bilim berý mekemesinde «e-Learning» elektrondy oqytý júıesi engizilgen.
Soǵan oraı otandyq pedagogtardyń biliktiligin arttyrýdyń ınnovatsııalyq formaty qajet. Bul týraly búgin Astanada Qazaqstanda pedagogtardyń biliktiligin arttyrý júıesine arnalǵan konferentsııada QR Bilim jáne ǵylym vıtse-mınıstri Murat Ábenov málim etti.
Bul baǵyttaǵy jumysty vıtse-mınıstr «Órleý» biliktilikti arttyrý ulttyq ortalyǵyna júktedi.
Onyń aıtýynsha, búginde elektrondy bilim berý ortasyn qalyptastyrý maqsatynda elektrondy oqytý portaly qurylǵan. Kelesi kezekte jańa elektrondy kitaptardy engizý jumystary qolǵa alynbaq.
«Pedagogtardyń biliktiligin arttyrýdyń ınnovatsııalyq formatyn engizýdiń sharttary qajet. Bul «e-Learning» jobasyn asyrýdyń negizgi talaby. «Órleý» fılıaldarymen elektrondy oqytý baǵdarlamasy aıasynda 2 jyl qatarynan 8 myńǵa tarta júıe ákimshileri men paıdalanýshylardyń biliktiligin arttyrý kýrstary ótkizilip keledi. Qazirgi tańda 600 bilim berý mekemesinde elektrondy oqytý júıesi engizilgen», - dedi M.Ábenov.
