Qazaqstanda 600 adamdy aldaǵan kúdiktiler 916 mln teńgeni ıemdengen
ASTANA. KAZINFORM – Qazaqstanda kópepızodty ınternet-alaıaqtyq jasady degen kúdikpen birneshe adam ustaldy. Olardyń ekeýi 600-den astam qazaqstandyqty aldap, 916 mln teńgeni ıemdengen. Bul týraly QR ІІM Kıberqylmysqa qarsy is-qımyl departamentiniń bastyǵy Jandos Súıinbaı málimdedi.
Onyń aıtýynsha, kúdiktiler azamattardy túrli syltaýmen aldap, olardyń qarajatyn ıemdenip otyrǵan.
– «Anti-fraud» jedel-profılaktıkalyq is-sharasy kezinde kópepızodty alaıaqtyqqa qatysy bar birneshe adam ustaldy. Olardyń ekeýi 600-den astam azamattyń 916 mln teńge kólemindegi qarajatyn ıemdengen, - dedi Jandos Súıinbaı.
ІІM málimetinshe, operatsııa aıasynda kıberqylmysqa qatysy bar 909 adam anyqtalǵan. Onyń 12-si – shetel azamaty. 88 kúdikti qamaýǵa alynyp, 600-den astam adamǵa bultartpaý sharasy qoldanylǵan.
Aıta keteıik, Qazaqstanda ınternet-alaıaqtyqtan keletin shyǵyn 20 mlrd teńgege jetkeni habarlanǵan bolatyn.
