Qazaqstanda 6 jasqa deıingi balalardy polıomıelıtke qarsy egý naýqany bastaldy
ALMATY. Qyrkúıektiń 6-sy. QazAqparat /Erbol Azanbek/ - Qazaqstanda 6 jasqa deıingi balalarǵa polıomıelıtke qarsy qosymsha egý naýqany bastaldy. Qyrkúıektiń 10-yna deıin jalǵasatyn shara polıomıelıttiń Tájikstanda bastalyp,
Reseı, Ózbekstan, Mońǵolııada taralýyna baılanysty ótkizilip otyr. Bul týraly búgin Almatyda ótken baspasóz máslıhatynda Salaýaty ómir saltyn qalyptastyrý máseleleriniń ulttyq ortalyǵynyń ókilderi habarlady.
Naýqan kúnderi 1,8 mıllıon balaǵa egý júrgizilmek. Buǵan vaktsınanyń 2,018 mıllıon danasy satylyp alynǵan. Bul úshin memlekettik bıýdjetten 64 mıllıon teńge bólingen. Egý jumystary úshin 6500 egý pýnkti ashylyp, 4200 arnaıy brıgada jumys isteıdi. Onyń bir myńy qol jetimdiligi qıyn taýly aımaqtarda jumys isteıdi. Olar 450 balaǵa egý jumysyn júrgizbek. Tegi Belgııalyq arnaıy alynǵan vaktsınany mamandar barlyq talapqa saı dep otyr.
