Qazaqstanda 6 jańa HQKO ashylady
Mınıstrdiń aıtýynsha, búginde memlekettik qyzmetterdi elektrondy formatqa aýystyrý jumystary jalǵasyp jatyr. Qazirgi ýaqytta 752 qyzmettiń 506-sy avtomattandyryldy. Sonyń arqasynda qyzmet kórsetý ýaqyty 40 protsentke qysqardy. Sonymen qatar, qaǵaz aınalymy 60 mıllıon anyqtamaǵa deıin azaıǵan.
«2018 jyly el turǵyndaryna 30 mıllıon qyzmet elektrondy formatta kórsetildi. Astana men Almaty qalalarynda 3 kóshi-qon, 8 mamandandyrylǵan, 16 tsıfrlyq xalyqqa qyzmet kórsetý ortalyqtary ashylyp, bıometrıkalyq derekter jınaý júıesi iske qosyldy. Bıyl memlekettik qyzmetterdiń 80 protsentin elektrondyq formatqa kóshirý, 1 tsıfrlyq jáne 5 kóshi-qon xalyqqa qyzmet kórsetý ortalyqtaryn ashý josparlanyp otyr», - dedi D.Abaev Úkimettiń búgingi otyrysynda.
Onyń sózine qaraǵanda, 2018 jyly memlekettik qyzmetterdi avtomattandyrýdan túsken paıda 1,1 mıllıard teńgeni qurady.
«Tsıfrlyq Qazaqstan» memlekettik baǵdarlamasy aıasynda shaǵyn jáne orta bıznesti qoldaý jáne qolaıly jaǵdaılar jasaýǵa basa nazar aýdaryldy.
«Mysaly, ótken jyly kedendik rəsimderdi onlaın ortalyqtan baqylaýǵa, baj tólemin esepke alýdy júrgizýge jəne kontrabanda deńgeıin azaıtýǵa múmkindik beretin «ASTANA-1» aqparattyq júıesi iske qosyldy. Kedendik deklaratsııalardy shyǵarý úshin buryn birneshe kún jáne birneshe saǵat qajet edi. Qazir onyń bári 1 mınýtqa deıin qysqartyldy. Búginde júıede 859 myń elektrondyq deklaratsııa tirkelgen. Sonyń 85 protsenti 1 mınýt ishinde «jasyl dáliz» arqyly rásimdelgen. «Elektrondyq shot-faktýralar», «taýarlardy tańbalaý» júıesi iske asyryldy. Bunyń bári bıznes úshin saýda júrgizý jaǵdaıyn jaqsartýǵa jáne «kóleńkeli» ekonomıkany azaıtýǵa múmkindik beredi», - dep atap kórsetti D.Abaev.
Aıta keteıik, búgingi otyrysta QR Aqparat jáne kommýnıkatsııalar mınıstri Dáýren Abaev «Tsıfrlyq Qazaqstan» baǵdarlamasyn iske asyrýdyń nátıjesi boıynsha esep berdi. Osy oraıda Úkimet basshysy Baqytjan Saǵyntaev tsıfrlandyrý aıasynda memlekettik organdardyń ózara baılanysyn kúsheıtip, aqparattyq texnologııalardy qoldanýdy talap etetin normalardy tezdetip bitirýdi tapsyrdy.
