Qazaqstanda 6 «zańdaǵy urynyń» bireýi sottalyp, qalǵany elden qýyldy - Q. Qasymov
ASTANA. 19 qarasha. QazAqparat - Qazaqstanda 6 "Zańdaǵy urynyń» joly kesildi. Olardyń bireýi sottalsa, qalǵany elimizden qýyldy.
Bul týraly búgin Májilistegi Úkimet saǵatynda baıandama jasaǵan Іshki ister mınıstri Qalmuhanbet Qasymov málim etti.
«Bandıtızm, uıymdasqan qylmystyq top qurý faktileri boıynsha jyl basynan beri 36 qylmystyq is qozǵaldy. Qylmys áleminiń 55-ge tarta serkeleri quryqtalyp, uıymdasqan qylmystyq toptyń 230 qatysýshysy qylmystyq jaýapkershilikke tartyldy. Olardan iri kólemdegi qarý-jaraq pen esirkiler tárkilendi. Sondaı-aq 6 «zańdaǵy urynyń» joly kesilip, bireýi sottalsa, qalǵany elimizden alastatyldy»,-dedi mınıstr.
Onyń aıtýynsha, osyndaı kórsetkishtiń ózi elimizdegi, respýblıka óńirlerindegi krımınogendik jaǵdaıdyń birshama jaqsarýyna óz áserin tıgizgen.
