Qazaqstanda 6 tamyzda ótetin mańyzdy sharalarǵa sholý

NUR-SULTAN

Saǵat 11.00-de QR Tuńǵysh Prezıdenti – Elbasy qorynyń janyndaǵy ǵylym boıynsha keńes «Býrabaı forým: Qazaqstannyń halyqaralyq yntymaqtastyqtary» atty ІІІ halyqaralyq forýmyn bastaıdy.

Saǵat 11.00-de Іshki ister mınıstrliginde Qazaqstan Respýblıkasynyń qylmystyq-atqarý júıesin jetildirý máselesi boıynsha BAQ ókilderi úshin baspasóz máslıhatyn ótkizedi.

Saǵat 12.20-da OKQ-da «Bolashaq» qaýymdastyǵynyń tyń jobalaryn tanystyrýǵa arnalǵan baspasóz máslıhaty ótedi.

Saǵat 15.30-da elorda ákimdiginde aldaǵy qalanyń jylytý maýsymyna daıarlyq máselesi boıynsha baspasóz máslıhaty uıymdastyrylady.

Saǵat 15.00-de Mınıstrlik úıi 10 kireberiste qorshaǵan ortany qorǵaý salasyndaǵy memorandýmǵa qol qoıylady. Memorandýmǵa Ekologııa, geologııa jáne tabıǵı resýrstar mınıstri Maǵzum Myrzaǵalıev pen «QazMunaıGaz» UK» AQ basqarma tóraǵasy Alık Aıdarbaev qol qoıady.

Saǵat 16.00-de elorda ákimdiginde qala basshysynyń orynbasary B.Mákenovtyń tóraǵalyǵymen mindetti áleýmettik medıtsınalyq saqtandyrý júıesin engizý boıynsha aımaqtyq shtabtyń otyrysy uıymdastyrylady.

ALMATY

Saǵat 08.00-den 14.00-ge deıin №4 qalalyq emhana bazasynda arterııalyq gıpertenzııasy jáne qant dıabeti bar dıspanserlik patsıentter arasynda búırektiń sozylmaly aýrýy boıynsha skrınıng júrgizý josparlanýda. Kásibı nefrolog dárigerler komandasy patsıentterdi tekserip, qandaǵy kreatının deńgeıine zertteý júrgizedi.

6 tamyz kúni «Nur Otan» partııasy Almaty oblystyq fılıalynyń partııalyq baqylaý qyzmetiniń basshylyǵy «Qutty meken» jobasy aıasynda Kóksý aýdany, Balpyq bı aýylyndaǵy 50-páterli jáne 20 páterli jalgerlik turǵyn úı qurylysynyń jumys barysymen tanysady. Reıdke oblystyq, aýdandyq fılıal basshylyǵy, qurylys bóliminiń jaýapty mamandary, úkimettik emes uıym ókilderi, partııalyqtar jáne BAQ ókilderi qatysady.

ORAL

Saǵat 10:00-den 18:00-ge deıin Oral qalasynda Batys Qazaqstan oblysynyń aýyl áıelderi forýmy ótedi. Forýmdy uıymdastyrýshylar: Batys Qazaqstan oblysynyń ákimdigi, «Jasyl ekonomıka» jáne G-Globaldy damytý Koalıtsııasy« ZTB, G-Globaldyń halyqaralyq hatshylyǵy, sonymen qosa halyqaralyq Coca-Cola qorynyń qoldaýymen «EXPO&WOMEN» halyqaralyq uıymy ZTB. Forým áıelder isteri jónindegi otbasylyq-demografııalyq saıasat jónindegi Qazaqstan Respýblıkasy Prezıdentiniń janyndaǵy ulttyq komıssııanyń qoldaýymen ótedi.