Qazaqstanda 6 skrınıngtik baǵdarlama engizildi
ASTANA. QazAqparat - Qazaqstanda 6 skrınıngtik baǵdarlama engizildi. Bul týraly búgin QR Prezıdenti janyndaǵy Ortalyq kommýnıkatsııalar qyzmetinde ótken brıfıngte QR Densaýlyq saqtaý jáne áleýmettik damý mınıstrliginiń bas onkology, Qazaq onkologııa jáne radıologııa ǵylymı-zertteý ınstıtýtynyń dırektory Qýanysh Nurǵazıev málim etti.
«Qazaqstanda 6 skrınıngtik baǵdarlama engizilgen. Sút bezi jáne jatyr moıny obyryna qatysty 2 baǵdarlama 2008 jyldan beri júzege asyrylýda. Onda naqty nátıjelerge qol jetkizildi. Búginde sút bezi obyrynyń shamamen 85 paıyzy birinshi jáne ekinshi satysynda anyqtalady. Al jatyr moıy obyrynyń shamamen 93,5 paıyzy erteń satyda belgli bolady», - dedi ol.
Onyń atap ótýinshe, 2011 jyldan bastap toq jáne tik ishek obyryn erte anyqtaý baǵdarlamasy júzege asyryla bastady. Dúnıejúzilik densaýlyq saqtaý uıymy boljamynsha, 2030 jylǵa qaraı bul obyr túri aýrýlardyń ishinde 1-shi orynǵa shyqpaq. Sondyqtan da osy baǵytta arnaıy skırınıng engizý týraly sheshim qabyldanǵan.
«2012 jyldan bastap ilki joba retinde úsh baǵdarlama engizýdemiz. Olar: baýyr, asqazan jáne erkektik bez obyryn erte anyqtaý. Bul baǵdarlamalardyń barlyǵy da Qazaqstanda júrgizý qajettigi dáleldengen, eseptelingen jáne negizdelgen. Sondyqtan da biz bul baǵdarlamalardy birneshe márte depýtattyq korpýs, halyq jáne medıtsınalyq qoǵamdastyq aldynda qorǵadyq», - dedi Q.Nurǵazıev.
