Qazaqstanda 6 myńnan astam dáriger tapshy - vıtse-mınıstr
ASTANA. 30 qazan. QazAqparat - Qazaqstanda densaýlyq saqtaý salasynda 6 myńnan astam maman jetispeıdi.
Bul týraly búgin Astanada «Menedjment salasyndaǵy densaýlyq saqtaý júıesiniń áleýetin arttyrý: densaýylq saqtaý menedjmentin damytýdyń júıeli tásilderi» atty halyqaralyq konferentsııada QR Densaýlyq saqtaý vıtse-mınıstri Erik Baıjúnisov málim etti.
Onyń aıtýynsha, búgingi tańda Qazaqstanda 63 myńnan astam dáriger jáne 140 myńǵa taıaý medbıke bar. Sonymen qatar elimizde 4,1 myń maman men 2,6 myń dáriger jetispeıdi. Densaýlyq saqtaý mınıstrliginiń derekterine qaraǵanda, Qazaqstanda naýqastardyń aýrýhanada bolý uzaqtyǵy Eýropanyń jetekshi elderi men AQSh-qa qaraǵanda 2 ese artyq.
«Osy rette olardyń (avtor - dárigerlerdiń) kásibı biliktiligin de arttyrý mańyzdy. Biz búkil esepterimizdi qaıta qarastyrýymyz kerek. Sebebi bizge sannan sapaǵa ótetin ýaqyt jetti. Bul qazirgi ýaqytta mınıstrlikte qarastyrylyp jatqan jáne jaqyn jyldary júzege asatyn túıtkilderdiń biri», - dedi ol.
«Menedjment salasyndaǵy densaýlyq saqtaý júıesiniń áleýetin arttyrý: densaýlyq saqtaý menedjmentin damytýdyń júıeli tásilderi» atty halyqaralyq konferentsııa osymen ekinshi jyl uıymdastyrylýda. Onyń jumysyna Italııa, Vengrııa, Reseı, Qyrǵyzstan jáne Qazaqstan elderiniń 200-den astam densaýlyq saqtaý uıymdarynyń ókilderi qatysýda. Іs-shara barysynda densaýlyq saqtaý júıesindegi sarapshylar jáne menedjmenttiń kókeıkesti máseleleri talqylanbaq. Konferentsııa Respýblıkalyq densaýlyq saqtaýdy damytý ortalyǵynyń menedjment ortalyǵymen uıymdastyryldy. Ortalyq málimetterine qaraǵanda, jyl basynan 1300-ge jýyq densaýlyq saqtaý menedjeri daıarlandy.
