Qazaqstanda 6 myń oqýshy qatysatyn respýblıkalyq spartakıada ótedi
ASTANA. QazAqparat - Qazaqstanda osy aıda «SportFEST Kazakhsatan» respýblıkalyq mektep spartakıadasy bastalady, dep habarlaıdy «QazAqparat» HAA tilshisi.
Uıymdastyrýshylardyń aıtýynsha, búgingi tańda Qazaqstanda mektep sporty halyqaralyq standarttarǵa saı emes. Al mektep sporty lıgalary kásibı sprort túrlerine baılaýly bolǵandyqtan, atalǵan sport barlyq bilim ordalarynda qol jetimdi bola bermeıdi. Osy sebepti, spartakıadany «Kommýnıtsııalyq bastamalar men strategııa qory» JQ, «Samruk-Kazyna Trust» áleýmettik jobalardy damytý qory «SportFEST Kazakhsatan» respýblıkalyq mektep spartakıadasyn ótkizbek. Spartakıkadada jasóspirimder arasyndaǵy fýtzaldan, áskerı sport túrlerinen, shahmattan, ústel tennısinen, qyzdar arasyndaǵy basketboldan, toǵyzqumalaqtan týrnır uıymastyrylady.
8-10 synyptyń oqýshylaryna arnalǵan respýblıkalyq týrnır 180 aýdan men 14 oblysty, Almaty men Astana qalalaryn qamtıdy. Týrnır úsh kezeńnen, atap aıtqanda daıyndyq, Qazaqstan aımaqtarynda irikteý jáne Shýche qalasyndaǵy «Baldáýren» kesheninde qazaqstandyq sport jáne estrada juldyzdarynyń qatysýymen ótetin respýblıkalyq fınal kezeńderinen turady.
«SportFEST Kazakhsatan» bul keleshekte sporttyń ataqty chempıondaryn shyǵarýǵa baǵyttalǵan, belgili bir sporttyq dárejesi joq mektep oqýshylary arasynda ótetin respýblıkalyq aýqymdy joba. Bizdiń boljamymyz boıynsha, spartakıdaǵa Qazaqstannan 6000-nan astam oqýshy qatysady dep kútilýde. Al barlyq satylyp alynǵan sporttyq qural-jabdyqtar (fýtbol, basketbol doptary, shahmattar, tennıs ústelderi, toǵyzqumalaqtar) tegin negizde orta bilim beretin mekemelerge (balalar úıine, mektep-ınternattaryna, sport metkepterine) tabystalady», - deıdi «Samruk-Kazyna Trust» qorynyń resmı ókili Lıma Dıas.
Osy aıda bastalatyn respýblıkalyq týrnırdiń fınaldyq kezeńin 2018 jyldyń maýsym aıynda ótkizý josparlanyp otyr.
