Qazaqstanda 6 myń memqyzmetshi «qamqorshynyń» kómeginsiz laýazymy jaǵynan joǵarylady
ASTANA. QazAqparat - Memlekettik qyzmette mansaptyq kóterilýdiń jańa úlgisi boıynsha 6 myń qyzmetshi laýazymy jaǵynan ósti, dep habarlaıdy QazAqparat tilshisi QR Memlekettik qyzmet isteri jáne sybaılas jemqorlyqqa qarsy agenttiginiń baspasóz qyzmetine silteme jasap.
«Memlekettik qyzmette mansaptyq úlgisiniń negizgi prıntsıpterin engizý sharalarynyń bastalǵanyna bir jyl boldy. Qazirgi kezde memlekettik qyzmetke ornalasý tómengi laýazymdardan bastalady. Al olardyń laýyzym jaǵynan joǵarylaýy kásibı daıyndyǵyna qaraı júrgiziledi. Osynyń negizinde 5,9 myń memqyzmetshi joǵary laýazymdarǵa aýystyryldy. Bul buǵan deıingi kórsekishtermen salystyrǵanda, tórt esege kóp», - deıdi agenttiktiń monıtorıng jáne taldaý basqarmasy basshysy Nurgúl Jannazarova.
Onyń aıtýynsha, joǵary laýazymdarǵa taǵaıyndaýdyń 80 paıyzy ishki konkýrs, ıaǵnı jumys istep júrgen memlekettik qyzmetshiler arasynda ótkiziledi. Osy sharalardyń nátıjesinde memlekettik qyzmetten óz erkimen ketken qyzmetshiler sany 1,8 esege qysqaryp otyr. Memlekettik qyzmetke degen qyzyǵýshylyq ta artty. Sebebi osy salaǵa kelip jatqan azamattardyń sany úsh esege ósti.
