Qazaqstanda 6 mıllıonnan astam adam seısmıkalyq qaýipti aımaqtarda tirshilik keship jatyr
ASTANA. 11 jeltoqsan. QazAqparat - QR Tótenshe jaǵdaılar mınıstrligi mamandarynyń málimetinshe, elimizde jer silkinisi jıi bolatyn óńirler el aýmaǵynyń úshten bir bóligin quraıdy.
Bul aımaqtarda 6 mıllıonnan astam adam turady, ónerkásiptik áleýetimizdiń 40%-y seısmıkalyq jaǵynan qaýipti óńirlerde, dep jazady «Alash aınasy» gazeti.
Respýblıkanyń seısmıkalyq turaqsyzdyq jaǵynan asa qaýipti aımaqtary - Almaty qalasy, Shyǵys Qazaqstan, Jambyl, Ońtústik Qazaqstan, Almaty oblystary. Sońǵy 10 jyl ishinde kómirsýtek shıkizatyn óńdeý isiniń qarqyn alýyna baılanysty elimizdiń batysyndaǵy munaı kásipshiligi aýdandarynda tehnogendi sıpattaǵy jer silkinisi qaýpi kúsheıgen.
