Qazaqstanda 6 qarashada ótetin mańyzdy sharalarǵa sholý

ASTANA

9.00-de «Grand Park Esil» qonaq úıinde Birikken Ulttar Uıymynyń Azyq-túlik jáne aýylsharýashylyq uıymy (FAO) organıkalyq ónimderdi óndirý, sertıfıkattaý jáne senimdiligi boıynsha aımaqtyq kezdesý ótkizedi.

10.00-de Senatta Áleýmettik-mádenı damý jáne ǵylym jónindegi komıtettiń «Qazaqstan Respýblıkasynyń Úkimeti men Halyqaralyq Qyzyl krest komıteti arasyndaǵy Qazaqstan Respýblıkasyndaǵy Halyqaralyq Qyzyl krest komıteti ókildiginiń mártebesi, artyqshylyqtary men ımmýnıtetteri týraly kelisimdi ratıfıkatsııalaý týraly» zań jobasy boıynsha keńeıtilgen otyrysy ótedi.

10.30-da QR Kásipodaqtar federatsııasy Qazaqstan men Ózbekstandaǵy F. Ebert qorymen birlese uıymdastyrǵan «Eńbek qatynastaryndaǵy medıatsııa» atty semınar-keńes ashylady.

10.30-da «Wyndham Garden Astana» qonaq úıinde «Nur Otan» partııasynyń hatshysy Tamara Dúısenova áleýmettik kásipkerlerdiń Astanadaǵy tuńǵysh forýmyna qatysady.

10.30-da «Rıtts-Karlton» qonaq úıinde Aımaqtyq ekonomıkalyq boljam (AEB) tanystyrylymy ótedi.

12.20-da Ortalyq kommýnıkatsııalar qyzmetinde Memleket basshysynyń Joldaýyn iske asyrý shenberindegi Qostanaı oblysynyń áleýmettik-ekonomıkalyq damý qorytyndylaryna arnalǵan baspasóz máslıhaty ótedi.

15.00-de Senatta QR Qorǵanys mınıstrliginiń jetekshiligimen «Turǵyn úı qatynastary týraly keıbir zańnamalyq aktilerge ózgerister men tolyqtyrýlar engizý týraly» QR Zańyn júzege asyrý jóninde Halyqaralyq qatynastar, qorǵanys jáne qaýipsizdik komıteti músheleriniń kezdesýi ótedi.

15.00-de «Úkimet úıinde» kezekti Úkimet otyrysy ótedi. Kún tártibinde - 2018 jyldyń 9 aıynda «Nurly jer» memlekettik baǵdarlamasynyń júzege asyrylýy, bıznes-ortany odan ári jetildirý sharalary jáne Astananyń azyq-túlik beldeýin qalyptastyrý boıynsha jol kartasyn engizý.

ALMATY

10.00-de Rıtts Karlton qonaq úıinde Halyqaralyq valıýta qorynyń Qazaqstandaǵy ókildigi Almatyda HVQ «Óńirlik ekonomıkanyń damý perspektıvalary» esebiniń tanystyrylymyn ótkizedi.

11.30-da Almaty qalasynyń Óńirlik kommýnıkatsııalar qyzmetinde «Jol ınfraqurylymyn damytýdyń ınnovatsııalyq sheshimderi» atty baspasóz máslıhaty ótedi.

15.00-de QR Prezıdenti Nursultan Nazarbaevtyń «Bolashaqqa baǵdar: Rýhanı janǵyrý» baǵdarlamasy aıasynda Almaty qalasyndaǵy tehnıkalyq jáne kásibı bilim berý oryndary janyndaǵy bıznes-klýbtardy uıymdastyrýdyń ózekti máselelerin talqylaý maqsatynda ALMA University men Halyqaralyq Bıznes akademııasy kolledjinde kolledjder men mektepterdiń basshylary dóńgelek ústel ótkizedi.