Qazaqstanda 6,5 mln tonna astyq bastyryldy
ASTANA. QazAqparat - 12 qyrkúıektegi málimet boıynsha, Qazaqstanda 6546,8 myń tonna astyq bastyryldy, dep habarlaıdy QazAqparat tilshisi.
QR Aýyl sharýalyshyǵy mınıstrliginiń málimetinshe, eldegi dıhandar 5 120,1 myń gektar astyq jınaǵan. Bul óńirlerdegi jalpy astyq jınalatyn aýmaqtyń 34,1 paıyzyn quraıdy. Ortasha astyq ónimdiligi bir gektardan 12,8 tsentnerdi qurady.
2017 jyldyń osy merziminde 11 354,5 myń gektar nemese oblystardaǵy jalpy astyq alqabynyń 74,2 paıyzy bastyrylyp, 14 326,2 myń tonna astyq oryldy.
Qazaqstanda 2018 jyly 15 005,1 myń gektar alqaptan astyq alynýy kerek. Bul kórsetkish 2017 jyly 15 300,6 myń gektar bolǵan. Sondaı-aq, bıyl egis naýqany kezinde 15 122,6 myń gektar jerge, al 2017 jyly 15 377,2 myń gektar alqapqa astyq egilgen.
