Qazaqstanda 5G jelisin qurýǵa qatysty qandaı jeńildikter beriletini anyqtaldy

NUR-SULTAN. QazAqparat – Parlament Májilisiniń jalpy otyrysynda Ulttyq ekonomıka mınıstri Rýslan Dálenov 5G jańa baılanys túrin qurýǵa qatysty qandaı jeńildikter beriletinin aıtty, dep habarlaıdy QazAqparat tilshisi.

Búgin jalpy otyrysta «Qazaqstan Respýblıkasynyń keıbir zańnamalyq aktilerine salyq salý jáne ınvestıtsııalyq ahýaldy jetildirý máseleleri boıynsha ózgerister men tolyqtyrýlar engizý týraly» zań jobasy talqylanyp jatyr.

«5G jańa baılanys túrin qurýǵa ınvestıtsııalar tartý jáne jasandy ıntellektini damytý maqsatynda radıojıilik spektrin paıdalanǵany úshin tólemaqy mólsherlemelerin 5 jyl merzimine 10 esege deıin tómendetý usynylady», - dedi mınıstr zań jobasy boıynsha baıandaǵan kezde.

Sonymen qatar, jeke tulǵalarǵa qyzmetteri men taýarlaryn elektrondy túrde ótkizetin sheteldik ınternet-kompanııalar qosylǵan qun salyǵyn tóleýge mindetti bolady.

Budan buryn habarlanǵandaı, jaqynda «Qazaqtelekom» AQ basqarma basshysy Qýanyshbek Esekeev 5G joǵary jyldamdyqty ınternetti engizý protsesine qatysty túsinik berdi.

Osy oraıda ol jańa tehnologııany damytýda baılanys operatorlary óziniń qarjysyn salatynyn jetkizdi.