Qazaqstanda 5,9 mln tonna astyq jınaldy

ASTANA. KAZINFORM — Elimizde egin jınaý naýqany qarqyndy júrgizilip jatyr. Búgingi tańda dándi daqyldardyń 4,2 mln gektary jınalyp, bul jalpy egis alqabynyń 26 paıyzyn quraıdy. Jalpy 5,9 mln tonna astyq bastyryldy. Bul týraly AShM málim etti.

Dándi daqyldardan bólek, aýyl sharýashylyǵy taýar óndirýshileri 112,8 myń tonna maıly daqyl, 684,2 myń tonna kartop (ónimdiligi – 241,5 ts/ga), 1,9 mln tonna kókónis (ónimdiligi – 286,8 ts/ga), sondaı-aq 2 mln tonnadan astam baqsha daqyldaryn (ónimdiligi – 272,6 ts/ga) jınap úlgerdi.

Kókónis ónimderiniń jekelegen túrleri boıynsha: 340,4 myń tonna qyryqqabat (ónimdiligi – 374,8 ts/ga), 326,9 myń tonna pııaz (ónimdiligi – 394,2 ts/ga), 115,7 myń tonna sábiz (ónimdiligi – 302,9 ts/ga) jınaldy.

Egin jınaý naýqany uıymdasqan túrde jáne agrotehnıkalyq talaptarǵa saı merzimde júrgizilip jatyr.

Al Pavlodar oblysynda bıyl 2,67 mln tonna astyq jınalady dep boljanyp otyr.