Qazaqstanda 589 polıtsııa qyzmetkeri koronavırýs juqtyrǵan
NUR-SULTAN. QazAqparat - Elimizde 589 polıtsııa qyzmetkeri koronavırýs juqtyryp aldy. Bul týraly búgin QR Іshki ister mınıstri Erlan Turǵymbaev aıtty, dep habarlaıdy QazAqparat tilshisi.
«Iá, shynymen de, búgingi kúni táýekel tobyna Densaýlyq saqtaý mınıstrligimen qatar Іshki ister mınıstrliginiń qyzmetkerleri de kirip otyr. Óıtkeni blokpostarda shamamen 7 myń qyzmetker táýlik boıy qyzmet etti. Buǵan qosa, adamdar kóp jınalatyn jerlerde de jaıaý sholǵyndaý júrgizilip, tikeleı baılanys boldy. Sondyqtan biz de táýekel tobyna endik. Polıtsııa qyzmetkerleri arasynan ishki ister organynyń 589 qyzmetkeri koronavırýs juqtyrǵany anyqtalyp, naqtylandy. Onyń 419-y jazylyp shyqty. 170-i áli de karantınde em alyp jatyr», - dedi Erlan Turǵymbaev Ortalyq kommýnkatsııalar qyzmetinde ótken brıfıngide BAQ ókilderiniń saýalyna oraı.
Sonymen qatar mınıstr ishki ister organdary, qylmystyq atqarý júıesi qyzmetkerleri jáne Ulttyq ulan áskerı qyzmetshileri arasynda koronavırýs ınfektsııasynan qaıtys bolǵandardyń joq ekendigin basa aıtty.
