Qazaqstanda 56 jer ýchaskesiniń qoınaýyn paıdalaný quqyǵy satyldy
ASTANA. QazAqparat - 28 qarasha kúni Qazaqstan Respýblıkasy Investıtsııalar jáne damý mınıstrliginde jer qoınaýyn paıdalaný quqyǵyn alýǵa qatysty aýktsıon túrindegi konkýrs ótkizildi, dep habarlaıdy «QazAqparat» HAA tilshisi vedomstvonyń baspasóz qyzmetine silteme jasap.
Aýktsıonǵa barlyǵy 109 jer ýchaskesi qoıyldy. Sonyń ishinde paıdaly qazbalar boıynsha: 45 altyn, onyń 43-i barlaýǵa jáne 2-eýi óndirýge arnalǵan jer qoınaýy; 45 tústi metaldar, onyń 3-eýi óndirýge jáne 42-si barlaýǵa arnalǵan; 7 qara metall, barlyǵy barlaýǵa arnalǵan; 3 sırek kezdesetin metall, onyń 1-eýi óndirýge jáne 2-eýi barlaýǵa arnalǵan; 9 ózge de paıdaly qazbalarǵa qatysty (grafıt, kvartsıt, emdik balshyq, hrızopraz, flıýorıt, haltsedon, burǵylaý keni), onyń 6-aýy óndirýge jáne 3-eýi barlaýǵa arnalǵan.
Aýktsıonǵa geologııalyq barlaý jumystaryn qajet etetin jer qoınaýy ýchaskeleri shyǵaryldy.
Ótinishterdi qabyldaý 2017 jylǵy 27 qarasha kúni aıaqtaldy.
Aýktsıonǵa 58 jer qoınaýy ýchaskeleri boıynsha geologııalyq barlaý jumystaryn júrgizýge arnalǵan 50 jáne 9 óndirý nysandaryn qosqanda, barlyǵy 101 kompanııa qatystyryldy.
Jeńimpazdy anyqtaýdyń jalǵyz jáne basty sharty - qatysýshylar usynǵan qol qoıylǵan bonýs mólsheriniń neǵurlym kóp bolýy boldy.
Jalpy kólemi 100 mln astam teńgeni quraıtyn, 58 jer qoınaýy ýchaskesiniń ishinen 56 jer ýchaskesi boıynsha jeńimpazdar anyqtaldy. Jalpy qol qoıylǵan bonýs 4 mlrd. teńgege deıingi somany qurady.
Aýktsıon jeńimpazymen jalpy merzimi 6 jyldy quraıtyn kelisimshart jasalady. Qazaqstan Respýblıkasynyń «Jer qoınaýy jáne jer qoınaýyn paıdalaný týraly» Zańyna sáıkes, jer qoınaýyn paıdalanýshy kelisimshart aýmaǵyn kelisimshartta kózdelgen maqsatta ǵana paıdalanýy tıis.
Aýktsıonnan geologııa salasyna ınvestıtsııa tartý, Qazaqstan Respýblıkasy aýmaǵynda geologııalyq zerttelýdi joǵarylatý, Respýblıkalyq jáne jergilikti bıýdjetke salyqtyq tólemder, jańa jumys oryndaryn qurý, jergilikti qamtýdy damytý, jergilikti halyq ishinen mamandardy oqytý jáne qaıta daıarlaý, qaıta óńdeýshi kásiporyndardy básekelestikke daıarlaý syndy áleýmettik-ekonomıkalyq paıda kútilýde.
