Qazaqstanda 55 myńdaı medıtsınalyq qyzmetkerlerge medıtsınalyq saqtandyrý jaıy túsindiriledi
QR DSÁDM baspasóz qyzmetiniń habarlaýynsha, 13 maýsymda quramyna oblys ákimderiniń orynbasarlary, Medıtsınalyq qyzmetke aqy tóleý komıteti aımaqtyq departamentiniń, densaýlyq saqtaý basqarmasynyń basshylary, Qazaqstan densaýlyq saqtaý júıesiniń beldi qyzmetkerleri kirgen arnaıy mobıldik toptar 4 oblystyń (Almaty - 51, Qaraǵandy - 70, Mańǵystaý - 35, Pavlodar - 15) 171 medıtsınalyq uıymdarynyń basshylary, sonymen qatar, farmatsevtıkalyq kompanııa men ÚEU ókilderi úshin semınarlar ótkizdi. Shara barysynda aýrýhanalar men emhanalardyń bas dárigerleri MÁMS-ti engizý boıynsha barlyq suraqtarǵa jaýap aldy.
Jýyrda medıtsınalyq uıymdardyń basshylary MÁMS júıesiniń qaǵıdalary týraly óz qyzmetkerlerine aıtyp beredi.
Jalpy alǵanda, aqparattyq-túsindirme jumystarymen Almaty oblysynda 4,7 myń dáriger, 13,6 myń orta medıtsınalyq qyzmetker, Qaraǵandy oblysynda - sáıkesinshe 6,3 jáne 13,4 myń adam, Mańǵystaý oblysynda - 1,8 jáne 5,7 myń, Pavlodar oblysynda 3 jáne 6,9 qamtylatyn bolady.
Medıtsınalyq qyzmetkerlermen kezdesý - QR DSÁDM-niń bıyl ótkizetin keń kólemdi aqparattyq-túsindirme jumystarynyń alǵashqy kezeńi.
Esterińizge sala keteıik, Qazaqstanda úzdik halyqaralyq tájirıbeni esepke ala otyryp memleket, jumys berýshi jáne árbir adamnyń yntymaqty jaýapkershiliginiń negizinde ázirlengen medıtsınalyq saqtandyrý júıesin engizý jumystary bastalady.
2017 jyldyń 1 qańtarynan bastap memleket, jumys berýshiler, ózin ózi jumyspen qamtyǵan azamattar Áleýmettik medıtsınalyq saqtandyrý qoryna (ári qaraı - ÁMSQ) jarna tóleýdi bastaıdy.
Sarapshylardyń boljamy boıynsha MÁMS-ti engizgennen soń elimizdegi medıtsınalyq kómek kórsetýdiń deńgeıi aıtarlyqtaı ósetini, sondaı-aq, dárigerlerdiń jalaqysyn arttyrý múmkindigi paıda bolady. Aýrýhanalar joǵarǵy sanatty jabdyqtar men qymbat dári-dármekter ala alatyn bolady. MÁMS adamǵa tekserýden ótýine, qajet bolǵan jaǵdaıda óz qarjysyn jumsamaı em alýyna múmkindik beredi.