Qazaqstanda 55 myń nashaqor adam bar - Astana qalalyq jastar saıasatyn qoldaý qory
ASTANA. 26 qyrkúıek. QazAqparat - 27 qyrkúıekte Astana qalasyndaǵy Qazaq ekonomıka, qarjy jáne halyqaralyq saýda ýnıversıtetinde Astana qalasynyń jastar saıasatyn qoldaý memlekettik qory
«2012-2016 jyldarǵa arnalǵan esirtki jáne esirtki bıznesine qarsy» salalyq baǵdarlamasy aıasynda «Nashaqorlyqtyń jastar sanasyna áseri: áýestenýshilik, zardap-zalal» taqyrybyna dóńgelek ústel ótkizedi. Bul týraly atalmysh oqý ordasynyń baspasóz qyzmeti habarlady.
Dóńgelek ústeldiń maqsaty: jastar sanasyn ýlaǵan, ǵasyr indetine aınalǵan nashaqorlyqtyń aldyn alý maqsatynda úgit-nasıhat jumystaryn júrgizý.
«Salaýatty ómir saltyna keri yqpalyn tıgizetin jaǵymsyz áreket - nashaqorlyq» dep Elbasy aıtqandaı, nashaqorlyqtyń adam aǵzasyna tıgizer zalaly orasan zor. Nashaqorlyqtyń saldarynan adamnyń densaýlyǵy nasharlap qana qoımaı, sondaı-aq rýhanı jaǵynan azǵyndap ketedi», - deıdi uıymdastyrýshylar.
Búgingi tańda Qazaqstanda 55 myń nashaqor adam bar eken. Alaıda, basty másele nashaqorlardyń sanynda emes, jas mólsherinde bolyp otyr. «Jamandardyń» azǵyrýyna erip, jeteginde ketetin órimdeı jastardyń bolashaǵy bulyńǵyr bolmas úshin esirtkiniń zııanyn nasıhattap, «densaýlyqtyń» baǵa jetpes qundylyq ekenin sanalaryna sińirý qajet.
Іs sharaǵa úkimettik emes jáne jastar uıymdarynyń ókilderi, oqý oryndarynyń tárbıe isi jónindegi qyzmetkerleri men belsendi stýdentteri shaqyrylǵan.
