Qazaqstanda 527 bosqyn tirkelgen - T. Dúısenova
ASTANA. Qazannyń 29-y. QazAqparat /Qanat Mámetqazyuly/ - Qazaqstanda tirkelgen bosqyndar sany - 527. Bul týraly QR Parlamenti Májilisinde kóshi-qon salasyndaǵy zańnamalardyń halyqaralyq tájirıbesine arnalǵan semınar barysynda Eńbek jáne halyqty áleýmettik qorǵaý mınıstrliginiń jaýapty hatshysy Tamara Dúısenova málim etti,
dep habarlaıdy QazAqparat.
«Qazaqstan óziniń qabyldaǵan halyqaralyq mindettemelerine sáıkes bosqyndardy qabyldap, olardyń áleýmettik qorǵalýyn qamtamasyz etetin bolady. Aǵymdaǵy jylǵy qazannyń 1-indegi jaǵdaı boıynsha Qazaqstandaǵy tirkelip, bosqyn mártebesin alǵan azamattardyń sany 527-ge jetken. Olardyń basym bóligi Aýǵanstannan kelgen azamattar bolyp tabylady», dedi T. Dúısenova.
Onyń aıtýynsha, elimizde osy bosqyn máselesine qatysty týyndaǵan problemalardy zańnamalyq turǵydan retteý sharalary qolǵa alynyp otyr. «Máselen, qazirgi kúni Úkimet tarapynan bosqyndar isine qatysty arnaıy zań jobasy ázirlenip, Parlament Májilisiniń qaraýyna usynyldy», dedi Jaýapty hatshy.
