Qazaqstanda 52 tutqyndar úıi salynatyn bolady - QR ІІM
ASTANA. 7 qarasha. QazAqparat - Qazaqstanda 52 tutqyndar úıi salynatyn bolady. Bul týraly búgin Parlament Májilisinde jańa redaktsııadaǵy Qylmystyq-atqarý kodeksiniń tanystyrylymy barysynda QR Іshki ister vıtse-mınıstri Amantaı Kúreńbekov málim etti.
«Qamaýǵa alý túrindegi jazany atqarý úshin Qylmystyq kodeks jobasy aıasynda biz 52 tutqyndar úıiniń qurylysyn salýdy qarastyryp otyrmyz. Bul úshin shamamen 65 mlrd. teńgeni quraıtyn bıýdjettik tapsyrysty bergen edik. Ondaı tapsyrys maquldanyp jatsa, 52 tutqyndar úıi 2015 jyldan bastap 2021 jyldardyń aralyǵynda salynatyn bolady dep josparlanǵan», - deıdi A.Kúreńbekov.
