Qazaqstanda 517 aýyl sharýashylyǵy kooperatıvi tirkeldi
«2017 jyldyń 1 tamyzyndaǵy jaǵdaıǵa sáıkes respýblıka boıynsha 50 myńnan astam jeke qosalqy sharýashylyqtardy qamtı otyryp, 517 aýyl sharýashylyǵy kooperatıvi tirkeldi. Onyń ishinde 173 sút qabyldaý, 281 mal soıý, 41 jemis-kókónis daıyndaý, 2 ara ósirý, 4 qus ósirý jáne soıý, 4 ıntensıvti baqsha, 2 túıe sútin óndirý, 3 taýarlyq balyq ósirý kooperatıvi bar. Munan bólek, 30 573 iri qara mal basyn qamtyǵan 1 835 otbasylyq mal bordaqylaý alańy quryldy», - dedi ol.
Onyń aıtýynsha, qazirgi ýaqytta «Aýyl sharýashylyǵyn qarjylaı qoldaý qory» AQ arqyly 89 sút qabyldaý pýnktin, 18 mal soıý pýnktin, 28 sút tasıtyn kólik, 15 refrıjerator satyp alýǵa arnalǵan ótinimder maquldanǵan.
«Búgingi kúni ótken jyly qurylǵan kooperatıvteri qosa alǵanda jyl basynan beri 25 myń tonnadan astam sút daıyndaldy. 8 myń tonna et jáne 600 tonna jemis-kókónis ónimderin daıyndaýǵa arnalǵan ınfraqurylym quryldy. Aǵymdaǵy jyldyń qorytyndysynda sút óńdeý kásiporyndarynyń jumyspen júktemeligi 60-tan 70 paıyzǵa deıin, eń óńdeý kásiporyndary 55-ten 65 paıyzǵa deıin jetkiziletin bolady», - dedi Maqashev.