Qazaqstanda 500 myńǵa jýyq adam mekenjaıǵa onlaın tirkeýge turǵan

NUR-SULTAN. QazAqparat - Qazaqstandyqtar mekenjaı boıynsha turaqty tirkeýge turý úshin HQO-nyń onlaın balamasy – egov.kz tańdaı bastady, dep habarlaıdy QazAqparat «Azamattarǵa arnalǵan úkimet» korporatsııasyna silteme jasap.

Byltyrǵy kórsetkishterdi esepke alsaq, HQO arqyly 1,5 mln adam, onlaın túrde 479 myń adam tirkeýge turǵan, sáıkesinshe árbir tórtinshi azamat turǵylyqty tirkeý rásimin elektrondy túrde júrgizgen.

Aımaqtar boıynsha qaraıtyn bolsaq, mekenjaıǵa tirkeýge onlaın turýshylar úlesi Nur-Sultan qalasynda kóp – 91 myń adam, odan keıin Qaraǵandy (39 myń) men Pavlodar (23 myń) oblystary. Bul rette eń tómengi kórsetkish Atyraý oblysyna tıesili (6 myń adam).

«Elektrondy jańashyldyqtardy qup kóretin azamattardyń sany óskeni qýantady. Onlaın tirkeýge turý – ýaqytty únemdep qana qoımaı, «propıskany» satatyn deldaldardyń jumysyna da tosqaýyl bolady», – deıdi «Azamattarǵa arnalǵan úkimet» memlekettik korporatsııasynyń basqarma tóraıymy Ásemgúl Baltasheva.

Bıylǵy qańtar aıyndaǵy kórsetkish boıynsha onlaın mekenjeı tirkeýine turýshylar sany birshama ósken. Bul qyzmetti alý úshin 184 myń adam HQO-ǵa júginse, 63 myń azamat eshqaıda barmaı-aq onlaın júzege asyrǵan.

Búginde mekenjaı tirkeýin jasatý úshin tirkeýge qoıýshy jáne tirkelýshi taraptyń ETsQ-sy bolýy tıis. Azamat egov.kz-ke tirkeletin mekenjaı men jeke málimetterin jazsa, baspana ıesi oǵan ruqsatty jeke kabınetine kelgen suraýdy maquldaý arqyly beredi.