Qazaqstanda 500-ge tarta bosqyn pana taýyp otyr - ІІM
ASTANA. QazAqparat - Qazirgi ýaqytta Qazaqstanda bosqyn mártebesin alǵan 497 adam turyp jatyr.
Bul týraly búgin Astanada ótken brıfıngte QR ІІM Kóshi-qon polıtsııasy departamentiniń basshysy Serik Saınov málim etti.
«Qazirgi ýaqytta Qazaqstanda bosqyn mártebesin alǵan 497 adam nemese 121 otbasy turyp jatyr. Bul úderis kúndelikti damý ústinde. Biri bosqyn dep tanylyp jatsa, ekinshileri mekendeý qaǵazyn men azamattyq alyp jatady. Joǵaryda aıtylǵan bosqyndardyń ishinde 297 adam Tájikstan azamattary, 98 pýshtýndar, 28 hazarlar, ózbekter jáne ózge de halyqtar», - dedi ol.
Onyń sózine qaraǵanda, bosqyndardy jumyspen qamtý boıynsha kedergiler joq. Olardyń 90 paıyzǵa jýyǵy negizinen Almaty qalasynda jeke kásipkerlikpen aınalysady. Sonymen qatar olar qylmysqa da bara bermeıdi.
