Qazaqstanda 50 ónerkásip barlyq energııa resýrstarynyń 40 paıyzyn jumsaıdy
ASTANA. QazAqparat - Qazaqstanda 50 jetekshi ónerkásip barlyq energııa resýrstarynyń 40 paıyzyn jumsaıdy. Bul týraly búgin Astanada ótip jatqan V Halyqaralyq taý-ken metellýrgııa kongresi barysynda QR Indýstrııa jáne jańa tehnologııalar vıtse-mınıstri Albert Raý aıtty.
«Búginde Qazaqstandaǵy negizinen taý-ken salasyndaǵy jetekshi 50 kásiporyn elimizdegi barlyq energııa resýrstarynyń shamamen 40 paıyzyn qoldanyp otyr. Tipti búkil qýat kóziniń 5-6 paıyzyn bir ózi qoldanatyn ónerkásáp te bar», - dedi ol. Onyń aıtýynsha, osylaı bola tura, atalǵan kásiporyndardyń barlyǵynda energııa jumsaýdy 30-40 paıyzǵa azaıtýǵa múmkinshilikteri bar. «Eger osy 50 kásiporyn energııa jumsaýyn 25 paıyzǵa azaıtsa, elimizde energııa resýrstaryn 10 paıyz únemdeýge qol jetkiziledi. Sondyqtan Úkimette osyǵan qatysty zańnamalardy jetildirýge arnalǵan sheshim qabyldanǵan bolatyn. Túbegeıli ózgerister kútip turmasa da, biz alǵa qaraı jyljyp kelemiz», - dedi vıtse-mınıstr.
