Qazaqstanda 50-den astam jol ýchaskesi qaýipti dep tanyldy

ASTANA. KAZINFORM – Elimizdiń Іshki ister mınıstrligi Tótenshe jaǵdaı mınıstrligimen birlesip, joldardyń apat bolýy múmkin, qaýipti ýchaskelerin anyqtaý boıynsha jumys júrgizip jatyr. Bul týraly Kólik vıtse-mınıstri Maqsat Qalıaqparov Úkimettegi brıfıngide aıtty.

– Qazaqstan boıynsha mundaı ýchaskeler 50-den asady. Barlyq óńirde jumys júrgizilip jatyr. Tıisti belgiler ornatylyp, QR ІІM, bizdiń tıisti qyzmetter jáne TJM tarapynan erekshe baqylaý qamtamasyz etilgen, – dedi ol.

Spıkerdiń aıtýynsha, jyldamdyq rejımi de rettelip jatyr. Sonymen birge, spıker joldardy jańǵyrtý boıynsha jyl saıyn aýqymdy shaqyrym qamtylatynyn atap ótti.

– Bıyl 13 myń shaqyrym jol jóndeledi. Bul jumys josparly túrde júrgizilip jatyr, – dedi Maqsat Qalıaqparov.

Mysal retinde ol Aqtóbe oblysyndaǵy ýchaskeni keltirdi: tıisti jumystar aıaqtalǵannan keıin buryn qaýipti sanalatyn bólikte birde-bir jol apaty tirkelmegen.

Al Kólik mınıstrligi Qaraǵandy – Almaty, Taldyqorǵan – Óskemen jáne Aqtóbe –Atyraý – Astrahan baǵyttaryn qosa alǵanda, birqatar jolǵa aqyly júıe engizýdi josparlap otyr.

Búgin Almaty - Bishkek tasjolynda 6 adam jol apatynan kóz jumdy.