Qazaqstanda 5 juldyzdy qansha qonaqúı bar

ASTANA. KAZINFORM – Bıylǵy jyldyń qańtar, naýryz aralyǵynda Qazaqstan syrttan kelgen 1,9 mln meımandy qabyldaǵan. Bul týraly Ulttyq statıstıka bıýrosy málim etti.  

— 2025 jylǵy qańtar, aqpan, naýryz aılarynda Qazaqstan qonaqúıleri 1,9 mln meımandy qabyldady. Bul rette kórsetilgen qyzmetter kólemi 60,9 mlrd teńgege jetse, ótken jyldyń sáıkes kezeńimen salystyrǵanda bul 14,5% artyq, — delingen habarlamada.

Birinshi toqsannyń qorytyndysy boıynsha qonaqúılerdiń sany 4 313 ekeni belgili bolyp otyr. Ótken jyldyń birinshi toqsanymen salystyrǵanda olardyń sany 309-ǵa artqan.

Qonaqúılerdiń túrleri boıynsha qonaqtardyń negizgi úlesi meıramhanasy bar qonaq úılerge toqtalýdy jón kórgen. Kelýshilerdiń 50,5%, taǵy 11,3% — kottedjderde, aýyldyq úılerde, páterlerde turaqtaǵan.

Stat bıýro bergen málimetke sensek, Almaty qalasy men Astana eń kóp týrısterdi qabyldaǵan.  Almaty (496,9 myń adam) men (Astana — 314,1 myń adam).

Aıta keteıik, Qazaqstanda 5 juldyzdy reıtıngi bar 25 qonaqúı bar, birinshi toqsanda 165,9 myń meıman toqtalǵan.

— I toqsanda kýrorttyq aımaqtarda 883,3 myńnan astam adam demalǵan, onyń 637,7 myńy — Almaty taý klasteriniń kelýshileri, — dep jazdy Ulttyq statıstıka bıýrosy.

Eske sala keteıik, buǵan deıin aldaǵy 5 jylda jol boılarynda motel túrindegi 60 qonaqúı paıda bolatynyn jazǵan edik.