Qazaqstanda 5 orman órti tirkeldi: qaı óńirlerde jaǵdaı kúrdeli
ASTANA. KAZINFORM — Búgin elimizdiń memlekettik orman qory aýmaǵynda 5 órt oqıǵasy tirkeldi. Órt oshaqtary Aqmola, Qaraǵandy, Soltústik Qazaqstan oblystarynda jáne Tarbaǵataı memlekettik ulttyq tabıǵı parkinde anyqtaldy. Bul týraly Ekologııa mınıstrligi málim etti.
Óńirler boıynsha:
- Aqmola oblysy – 1 órt;
- Qaraǵandy oblysy – 1 órt;
- Soltústik Qazaqstan oblysy – 2 órt;
- Tarbaǵataı memlekettik ulttyq tabıǵı parki – 1 órt.
Orman alqaptaryndaǵy órt jaǵdaıy áýe jáne jerústi patrýldeý arqyly turaqty baqylaýda. Órt oshaqtaryn jedel oqshaýlaý jáne sóndirý úshin qajetti kúshter men tehnıka jumyldyrylǵan.
Qazirgi ýaqytta órtti sóndirý jumystaryna memlekettik orman kúzeti men Tótenshe jaǵdaılar departamentiniń qyzmetkerleri tartylǵan. Sondaı-aq sý tógý qurylǵysymen jabdyqtalǵan «Qazavıaormanqorǵaý» tikushaǵy paıdalanylyp jatyr.
Azamattarǵa órt qaýipsizdigi talaptaryn saqtap, otty qaraýsyz qaldyrmaý qajettigi eskertildi.
Aıta keteıik, buǵan deıin Pavlodar oblysynda jyl basynan beri 137 tabıǵı órt tirkelgen edi.
