Qazaqstanda 5 myńnan astam dáriger jetispeıdi - depýtat

ASTANA. QazAqparat – Búgin Májilistiń jalpy otyrysynda depýtat Magerram Magerramov elimizdegi dárigerler tapshylyǵy máselesin kóterdi, dep habarlaıdy QazAqparat tilshisi.

«Barsha álemde dárigerler tapshylyǵy tendentsııasy bar jáne jaqyn arada mamandardyń jetispeýi 13 mıllıonnan asady. Bul jaǵynan Qazaqstan da tys qalǵan joq, búgingi kúni bizde de joǵary bilikti medıtsına mamandarynyń tapshylyǵy baıqalyp otyr. Bul másele keıingi jyldary elimizde jıi kóterilip keledi. Qazirdiń ózinde jetispeıtin mamandardyń sany 5 myńnan asty. Ulttyq densaýlyq saqtaý júıesine anestezıolog-reanımatologtar, juqpaly aýrýlar, epıdemıologtar, jalpy tájirıbedegi dárigerler óte qajet», - M. Magerramov Úkimet basshysynyń orynbasary Altaı Kólginovtyń atyna joldaǵan saýalynda.

Onyń pikirinshe, bul jaǵdaı memlekettik organdardyń bilim berý baǵdarlamalaryn daıyndaý kezinde ózara kelispeýi nemese túsinbeýi nátıjesinde bolyp otyr.

Osy oraıda ol Úkimetten dáriger daıyndaý máselesine erekshe nazar aýdarýdy surady.