Qazaqstanda 5 myńǵa jýyq lıftiniń paıdalaný merzimi ótken
Almatyda «Qazaqstan lıft salasynyń trasformatsııasy. Damý keleshegi men syn-tegýrinder» taqyrybynda dóńgelek ústel ótti. Shara barysynda jedelsatyny jetkizý, ornatý, qyzmet kórsetý talaptary talqylandy.
«2012 jyldan bastap Qazaqstan lıft salasynda lıtsenzııalaý alynyp tastalyp, lıft salasy biraz qıyndyqtarǵa tap boldy. Osy kezden bastap naryqta jaýapkershiligi joq kompanııalar paıda bola bastady. Lıftilerde tótenshe jaǵdaılar oryn aldy. 2018 jyly Aqtóbe qalasynda qyzmet kórsetýshi kompanııanyń nemquraıdylyǵynan jas kelinshek mert boldy. Qaıǵyly oqıǵadan keıin, Elbasynyń tapsyrmasy boıynsha biz QR Indýstrııa jáne ınfraqurylymdyq damý mınıstrligimen birlese otyryp «Lıftiler, ekskalatorlar, travalatorlar jáne múmkindigi shekteýli tulǵalarǵa arnalǵan kótergishter. Jetkizý, ornatý jáne paıdalanýǵa qatysty talaptar» atty Qazaqstannyń ulttyq standartyn daıyndadyq»,- deıdi Qazaqstan lıftishileri ulttyq qaýymdastyǵynyń prezıdenti Erjan Igibaev.
Onyń aıtýynsha,búginde lıft salasyn damytý maqsatynda arnaıy jol kartasy qabyldanǵan. Qujatqa sáıkes lıftilerdi ornatý, jóndeý jáne qyzmet kórsetýmen aınalysatyn kompanııalardy attestatsııadan ótkizý arqyly sapa men qaýipsizdikti qamtamasyz etý josparlanyp otyr.
«Osy jol kartasy aıasynda lıft salasy reformalanady. ıAǵnı, tozyǵy jetken jedelsatylar jańartylyp, otandyq lıft shyǵaratyn zaýyttarǵa qoldaý kórsetiledi», - dedi ol.
Sondaı-aq, ol Qazaqstanda 5 myńǵa jýyq lıftiniń paıdalaný ýaqyty merziminen asyp ketkenin jáne onyń 4 myńnan astamy shuǵyl túrde qaıta jańartýdy qajet etetinin atap ótti.
«Búgingi tańda lıft sharýashylyǵynyń basym bóligi óziniń normatıvtik paıdalaný merziminen asyp ketken. Lıftiniń qyzmet kórsetý ýaqyty 25 jyl. Alaıda bizde 30 jyldan beri qyzmet etip jatqan jedelsatylar bar», - deıdi Erjan Igibaev.
