Qazaqstanda 5 maýsym kúni ótetin mańyzdy sharalarǵa sholý

ASTANA

Saǵat 9.00-de Qazaqstan Respýblıkasy Ulttyq akademııalyq kitaphanasynda «Qazaqstan nemisteri. Adamdar, dáýir, oqıǵalar» taqyrybynda ǵylymı-tájirıbelik konferentsııa ótedi. Bul sharany nemisterdiń «Vozrojdenıe»  qazaqstandyq birlestigi» qoǵamdyq qory uıymdastyrady.

Sondaı-aq 9.00-de Nazarbaev Ortalyǵynda «Astana - beıbitshilik qalasy» ataýymen halyqaralyq konferentsııa ótedi.

Saǵat 10.00-de «Úkimet úıinde» Úkimet otyrysy bastalady. Kún tártibinde  QR «jasyl ekonomıkaǵa» kóshýi jónindegi tujyrymdamasyn iske asyrý barysy, Elektrondyq kommertsııany damytý máseleleri, Qazaqstannyń VII azamattyq forýmynyń usynymdaryn iske asyrý máseleleri talqylanady.

Senatta saǵat 10.00-de qarjy jáne bıýdjet jónindegi komıtettiń keńeıtilgen otyrysynda 2017 jylǵy respblıkalyq bıýdjettiń  oryndalýy jóninde Úkimet pen respýblıkalyq bıýdjettiń oryndalýyn baqylaý jónindegi esep komıtetiniń esepteri qaralady.  

Saǵat 11.00-de QR Densaýlyq saqtaý mınıstrliginde temeki ónimderine salyq salý máselesi boıynsha QR Densaýlyq saqtaý vıtse-mınıstri Alekseı Tsoıdyń tóraǵalyǵymen sektoraralyq májilis ótedi.

«Nur Otan» partııasy ortalyq apparatynda saǵat 12.00-de  partııa hatshysy Tamara Dúısenovanyń qatysýymen beınebaılanys rejimindegi komıssııa otyrysy ótedi.  Sharada menıngokokk ınfektsııasyna qatysty jaǵdaı qaralady. 

Saǵat 13.00-de «Dáýlet» sport kombınatynda Qazaqstan Respýblıkasy Prezıdentiniń júldesi úshin bokstan VI halyqaralyq týrnırdiń ashylýyna oraı baspasóz máslıhaty ótedi.

Saǵat 13.00-de «Astana Marriott» qonaq úıinde Eýropalyq qaıta qurý jáne damý banki jáne «Kazakhstan project preparation fund» JShS («KPPF», «Báıterek» UBH» AQ enshiles kompanııasy) MJÁ jobasyn ázirleýge 1 mıllıon eýro qarajat quraıtyn kelisimge qol qoıady. 

14.30-da Májilistiń jalpy otyrysy bolady.

Saǵat 15.00-de Qazaqstan Respýblıkasynyń Ulttyq mýzeıinde «Ótkendi eske alý - bolashaqqa jol» atty Astana qalasyndaǵy óńirler murajaılarynyń kóshpeli kórmeleriniń ashylý saltanaty ótedi.

Saǵat 16.00-deQazaqstan Respýblıkasynyń Mádenıet jáne sport mınıstri Arystanbek Muhamedıulynyń qazaqstandyq alpınıst Maqsut Jumaevpen kezdesýi ótedi.

ALMATY

Saǵat 10.00-de Almaty qalasynyń Óńirlik kommýnıktsııalar qyzmetinde «Almaty qalasyndaǵy menıngokokk ınfektsııasy boıynsha ahýal» taqyrybymen baspasóz máslıhaty ótedi.

Saǵat 11.00-deAlmaty qalasynyń Óńirlik kommýnıktsııalar qyzmetinde «Almaty qalasy kásiporyndarynda eńbek zańdylyqtarynyń saqtalýy» taqyrybynda baspasóz máslıhaty bolady. 

Saǵat 11.00-de elimizde  84-shi  teatr maýsymynyń jabylýyna oraı Abaı atyndaǵy opera jáne balet teatrynyń dırektory jáne kórkemdik jetekshisi, Qazaqstan Respýblıkasynyń eńbek sińirgen qaıratkeri Asqar Bóribaev kórermendermen júzdesedi. Ol ótken maýsymnyń qorytyndysy men aldaǵy maýsymnyń jospary taqyrybyna arnalady.  Bul shara teatr ǵımaratynda bolady.

QOSTANAI

11.00-de Óńirlik kommýnıkatsııalar qyzmetinde menıngıt ahýalyna qatysty brıfıng ótedi.

ShYǴYS QAZAQSTAN OBLYSY

Abaı aýdany Qaraýyl eldi mekeninde aýdandyq mádenıet úıiniń uıymdastyrýmen  «Elim meniń» kontserti ótedi.

AQMOLA OBLYSY

Saǵat 15:00-de Aqmola oblystyq Óńirlik kommýnıkatsııalar qyzmetinde «Azamattarǵa arnalǵan úkimet» memlekettik korporatsııasy» KE AQ Aqmola oblysy boıynsha fılıalynyń dırektory Aqan Baqytjan Dáýletbaıulynyń qatysýymen brıfıng ótedi.

OŃTÚSTІK QAZAQSTAN OBLYSY

11.00-de Ońtústik Qazaqstan oblystyk koǵamdyq densaýlyq saqtaý departamentinde menıngokokk ınfektsııasyna baılanysty brıfıng ótedi.

QYZYLORDA OBLYSY

Óńirlik kommýnıkatsııalar qyzmetiniń uıymdastyrýymen saǵat 10.30-12.00 aralyǵynda Syrdarııa aýdanynda memlekettik baǵdarlamalardyń oryndalýy jóninde baspasóz týry ótkiziledi.  

ATYRAÝ OBLYSY

Saǵat 15.00-de Saltanat saraıynda Qazaqstan Respýblıkasy Prezıdentiniń «Bolashaqqa baǵdar: rýhanı jańǵyrý» baǵdarlamalyq maqalasyn júzege asyrý maqsatynda «Qazaq jazýyn latyn álipbıine kóshirý: jahandaný jaǵdaıyndaǵy memlekettik tildiń damýy» atty halyqaralyq ǵylymı-praktıkalyq konferentsııa ótedi.

Ádiljan Úmbet