Qazaqstanda 5 kúnniń ishinde 22 adam sýǵa ketti
NUR-SULTAN. QazAqparat – Elimizde 5 kúnniń ishinde 22 adam sýǵa ketti, dep habarlaıdy, dep habarlaıdy QazAqparat QR ІІM TJK baspasóz qyzmetine silteme jasap.
«Qazir shomylý maýsymynyń naǵyz qyzǵan kezi. Oǵan ystyq aýa raıy men adamdardyń jumystan demalys alýy sebep. Halyq sý aıdyndarynyń boıynda belsendi ýaqyt ótkizip júr. Aptap ystyqtyń saldarynan sýda kóptegen qaıǵyly jaǵdaılar tirkelýde. Ótken bes kún ishinde (22-26 shilde) eldiń shomylatyn oryndarynda 22 adam kóz jumdy, onyń 6 – bala», - dep habarlaıdy QazAqparat.
TJK baspasóz qyzmetiniń málimetterine sáıkes, 16 adamnyń (onyń 5 - bala) kóz jumýyna shomylý kezinde álin durys baǵalamaýy sebep bolǵan. Al 1 bala qaraýsyz qalyp, sýǵa batyp, 5 adam balyq aýlaý kezinde qaýipsizdik erejesin buzǵan.
Atalmysh oqys oqıǵalarǵa Aqtóbe, Almaty, Atyraý, Shyǵys Qazaqstan, Batys Qazaqstan, Qostanaı, Qaraǵandy, Qyzylorda, Mańǵystaý, Pavlodar, Soltústik Qazaqstan, Túrkistan oblystarynda tirkelgen.
QR ІІM TJ komıteti azamattardy sý aıdyndarynda qaýipsizdik erejelerin saqtaýǵa shaqyrady. Demalys oryndarda sýǵa mas nemese esirtki qabyldaǵan kúıde túsýge; sýǵa qaıyqtan, kemelerden, bul maqsatqa arnalmaǵan zattardan sekirýge; belgiden ary asyp júzip ketýge; júzýge arnalmaǵan zattarmen júzýge; kemelerge jaqyndaýǵa; sý aıdyndaryn lastaýǵa; jaǵada jáne kıim aýystyratyn jerde demalýshylardy jaraqattaýy múmkin qoqysty tastaýǵa; jalǵan kómek surap, dabyl qaqpaýǵa; tehnıkalyq jáne eskertý belgilerine órmeleýge; úlken adamnyń qaraýynsyz balany sýǵa jiberýge; shomylyp jatqan balalardy qaraýsyz qaldyrýǵa tyıym salady.
