Qazaqstanda 5,6 mln ga paıdalanylmaıtyn jer aýyl sharýashylyǵy aınalymyna tartyldy - Q.Óskenbaev
ASTANA. 14 qarasha. QazAqparat - Aýyl sharýashylyǵy alqaptaryn túgendeý qortyndysy boıynsha 9,9 mln. ga paıdalanylmaıtyn jer memleketke qaıtaryldy, dep habarlady óńirlik damý mınıstriniń birinshi orynbasary Qaıyrbek Óskenbaev Primeminister.kz saıtyna bergen eksklıýzıvti suhbatynda.
«Turaqty negizde jerdi paıdalanbaǵan jaǵdaıda nemese zańnamany buzý arqyly paıdalaný kezinde ony memleketke qaıtarý boıynsha sharalar qoldanylatynyn, 2011 jyldan bastap 9,9 mln. ga, onyń ishinde aınalymǵa 5,6 mln. ga tartylǵanyn aıtyp ótkim keledi», - dedi QR Óńirlik damý mınıstriniń birinshi orynbasary.
Sonymen birge, onyń aıtýynsha, 2012 jyly ótkizilgen aýyl sharýashylyǵy alqaptaryn ınventarızatsııalaý qortyndysy boıynsha búgingi tańda jerlerdi tıimdi paıdalaný úshin aldynda jasalǵan jer telimderin jaldaý kelisim-sharttaryna túzetýler engizilgen.
Barlyǵy, Q.Óskenbaevtyń aıtýynsha, jalpy aýmaǵy 3 mln astam ga bolatyn 7 myń paıdalanylmaıtyn jer telimi anyqtalǵan, onyń ishinde 400 myń ga egistik jerdi quraıdy, shamamen 1,4 mln ga sharýa qojalyǵy jáne 1,6 mln ga basqa da aýyl sharýashylyǵy agrarlyq qalyptastyrýlary paıdalanbaǵan.
