Qazaqstanda 5,5 mln tonna astyq bastyryldy

NUR-SULTAN. QazAqparat – 3 qyrkúıektegi kórsetkish boıynsha, Qazaqstanda 5 mln 554,9 myń tonna astyq bastyryldy, dep habarlaıdy QazAqparat.

QR Aýyl sharýashylyǵy mınıstrliginiń málimetterine sáıkes, eseptik kezeńde elimizdiń dıqandary 4 mln 833,7 myń ga alqaptyń eginin jınap, 31,7% kórsetkishke qol jetkizip otyr. Al ortasha ónimdilik gektaryna 11,5 tsentnerdi qurady.

2018 jyldyń osy kezeńinde Qazaqstanda 2 mln 435,1 myń ga, ıaǵnı 16,2% alqaptyń egini orylyp, 3 mln 308,3 myń tonna astyq bastyrylǵan bolatyn. Al ortasha ónimdilik ár gektardan 13,6 tsentner.

2019 jyly 15 mln 230,1 myń ga jerdiń egini jınady, al 2018 jyly 15 mln 27,3 myń ga jerde astyq jınalǵan edi.

Eske sala keteıik, 2018 jylǵy astyq jınaý naýqanynyń qorytyndysyna sáıkes, 22 mln 810 myń tonna astyq bastyryldy. Ortasha ónimdilik gektaryna 15,1 tsentnerdi qurady.

Avtory Ashat Ahmetbekov