Qazaqstanda 5 151 naýqas koronavırýstan emdelip jatyr

NUR-SULTAN. QazAqparat - QR Densaýlyq saqtaý mınıstrligi koronavırýs ınfektsııasymen aýyrǵandarǵa qatysty aqparatty jarııalady, dep habarlaıdy QazAqparat.

Qazirgi ýaqytta koronavırýs ınfektsııasynan 5 151 adam em qabyldap jatyr. Onyń arasynda 31 óskinshek bala bar. Statsıonarlarda 2 761 naýqas jatyr.

2 390 adam ambýlatorııalyq jaǵdaıda emdelýde.

Jalpy naýqastardyń arasynda 147 adamnyń ahýaly nashar. Sonyń ishinde 18 naýqastyń ahýaly asa qatty aýyr dep baǵalanǵan. 24 naýqas ókpeni jasandy jeldetý apparatynda jatyr.

QR Densaýlyq saqtaý mınıstrligi budan bylaı táýliktik kórsetkish týraly aqparatty kún saıyn únemi úzbeı jarııalap otyrady. Barlyq málimet resmı saıtta jáne vedomstvonyń áleýmettik jelilerdegi paraqshalary arqyly taratylady.

Atap aıtqanda, naýqastardyń jalpy sany jóninde, qaıtys bolý derekteri týraly jáne de qoǵam úshin mańyzdy ahýaldyń barlyǵy resmı aqparat kózderinde jedel jarııalanady.

Al, aımaqtardaǵy ahýal týraly aqparatty apta saıyn Densaýlyq saqtaý mınıstrliginiń resmı ókili arnaıy press-brıfıngte habarlap turady.