Qazaqstanda +46 gradýsqa deıin aptap ystyq bolady

ASTANA. KAZINFORM – «Qazgıdromet» RMK málimetinshe, aldaǵy kúnderi Qazaqstannyń terrıtorııasyna Irannan jyly aýa massalary kele bastaıdy.   

«25-26 maýsym kúnderi elimizdiń batys jáne soltústik óńirlerinde jańbyr, keıbir jekelegen aımaqtarynda qatty jaýyn bolatynyna qaramastan, 27 maýsymda elimizdiń soltústik aımaǵyna aptap ystyq keledi. Termometr kórsetkishi soltústik óńirlerde +35+38 gradýsty kórsetse, ońtústik aımaqtarda +40+46 gradýsqa deıin kún ysıdy», — delingen habarlamada.