Qazaqstanda 450 myńǵa jýyq adam jumyssyz

ASTANA. QazAqparat - 2018 jyldyń qarasha aıyndaǵy jaǵdaı boıynsha, Qazaqstanda jumyssyzdar sany 444,7 myń adamdy qurady. Bul - elimizdegi jalpy jumys kúshiniń 4,9 paıyzy (bıylǵy jyldyń qazanynda - 4,8 paıyz boldy), dep habarlaıdy QazAqparat QR Ulttyq ekonomıka mınıstrligi Statıstıka agenttigine silteme jasap.

Resmı aqparatqa sáıkes, qarasha aıynda jumyspen qamtý organdarynda jumyssyz retinde tirkelgenderdiń sany 134,8 myń adamdy qurady. Bul - ekonomıkalyq turǵyda belsendi halyqtyń 1,5 paıyzy.