Qazaqstanda 45 jastaǵy sheteldikke halyqaralyq izdeý jarııalandy
ASTANA. KAZINFORM — Qazaqstan Ulttyq qaýipsizdik komıteti 45 jastaǵy Ýılıams Koýldy (Williams Cole) memlekettik shekarany zańsyz kesip ótý deregi boıynsha izdestirip jatyr.
21 qarashada Bas prokýratýranyń Quqyqtyq statıstıka jáne arnaıy esepke alý organdary portalynda er adamǵa qatysty izdeý týraly aqparat jarııalandy.
Іzdeý isi Túrkistan oblysynda tirkelgen. UQK bastamasymen izdestirý jumystaryn Saryaǵash aýdandyq polıtsııa bólimi júrgizip jatyr.
Áńgime QR Qylmystyq kodeksiniń 392-baby týraly bolyp otyr. Onyń birinshi bóligi boıynsha memlekettik shekarany qasaqana zańsyz kesip ótkeni úshin 2 myń AEK-ke deıin (2026 jyly 8,65 mln teńge) aıyppul salý nemese úsh jylǵa deıin bas bostandyǵynan aıyrý jazasy qarastyrylǵan.
Іzdeý paraǵyndaǵy málimetke qaraǵanda, Koýl 1981 jylǵy 13 naýryzda týǵan. Onyń qaı eldiń azamaty ekeni naqtylanbaǵan. Іstiń mán-jaıy ázirshe jarııalanǵan joq.
Eske salaıyq, buǵan deıin «Qyzyl-Jar» fýtbol klýbynyń eks-prezıdentine memleketaralyq izdeý jarııalanǵanyn habarlaǵanbyz.