Qazaqstanda 45 myń azamattyń 180 mlrd teńge qaryzy keshirildi

ASTANA. KAZINFORM – Qarjy vıtse-mınıstri Erjan Birjanov jeke tulǵalar bankrottyǵy boıynsha tilshiler suraǵyna jaýap berdi.

– Qazirgi tańda 45 200 adam bankrot dep tanyldy. Olardyń qaryz somasy 180 mlrd teńge bolatyn. Sonyń barlyǵy keshirildi deýge bolady. Sonyń ishinde 13 myńnan astam adam – bes jyldan astam tólem jasaı almaǵan azamattar, kópten qaryz bolǵandar. Qosymsha aıta ketsek, 2,5 myń azamat – áleýmettik tirkeýde turǵan, jaǵdaıy qıyn januıalar. Solardyń qaryzy keshirildi. Osy zań aıasynda jeke tulǵalardyń jalpy somasy 180 mlrd teńge jeke mindettemelerin sheshtik. Zań jaqsy jumys istep jatyr. Qandaı da bir adamı faktorlar buǵan áser etpeıdi. Sottan tys bankrottyq protsesteri avtomattandyrylǵan, – dedi E.Birjanov Úkimet úıinde ótken brıfıngte.

Zań boıynsha, sottan tys bankrottyqqa aryz berýshiniń atynda eshbir múlik bolmaýy kerek, qaryzy kópten tólenbegen, tóleı almaǵan jaǵdaılar ǵana qarastyrylady.

– Al qazir talap qoıyp, aryz jazǵandardyń kóbinde jeke avtokóligi men páteri bar. Ol azamattar bankrot dep tanylmaıdy, – dep túsindirdi Qarjy vıtse-mınıstri.

Aıta keteıik, elimizde 2023 jyly 3 naýryzdan bankrottyqqa ótinim qabyldaý bastalady.

Bıylǵy mamyr aıynda sottan tys bankrottyq rásimin qoldaný jeńildetildi.