Qazaqstanda 435 myńnan astam ShOB tirkelgen
NUR-SULTAN. QazAqparat - 2019 jyldyń mamyr aıynyń sońynda elimizde tirkelgen shaǵyn jáne orta bıznes sýbektileriniń sany 435,6 myńdy qurady. Bul ótken jylmen salystyrǵanda 3,1 paıyzǵa kóp, dep habarlaıdy QazAqparat tilshisi Energyprom-ǵa silteme jasap.
Onyń ishinde jumys istep turǵan kompanııalardyń sany 291,7 myńǵa jetip otyr. Ósim - 10,3 paıyz. Bir jyldyń ishinde belsendi shaǵyn kompanııalardyń sany 11 paıyzǵa artty. Aldaǵy ýaqytta da mundaı kompanııalar sany arta túspek. Sebebi 2019 jyly «Bıznestiń jol kartasy - 2020» memlekettik baǵdarlamasynyń aıasynda ǵana 14,6 myń shaǵyn jáne orta bıznes jobasy qoldaýǵa ıe bolmaq.
Shaǵyn jáne orta bıznestiń tirkelgen sýbektileriniń basym bóligin shaǵyn kompanııalar sany 429,2 myńdy (1 jyldaǵy ósim 3,1 paıyz) quraıdy. Biraq, olardyń tek 66,6 paıyzy nemese 285,6 myńy (1 jyldaǵy ósim 10,5) ǵana jumys istep tur.
2019 jyldyń mamyr aıynyń sońynda nebári 6,4 myń shaǵyn kompanııa tirkeldi. Bul ótken jylmen salystyrǵanda 0,3 paıyzǵa kem. Bul rette olardyń 6,1 myńy nemese 94,6 paıyzy jumys isteıdi.
Shaǵyn kompanııalar sanynyń kóp bolǵandyǵyna qaramastan olardyń tek 55,8 paıyzy nemese 159,4 myńy (1 jyldaǵy ósim 10,6 paıyz) ǵana jumys istep tur.
Orta kásipkerlik sýbektileriniń arasynda 97,5 paıyzy nemese 5,9 myń kompanııa belsendi jumys isteıdi. Jańadan ashylǵan orta kompanııalar sany 22,9 paıyzǵa nemese 54 kásiporynǵa deıin, ýaqytta belsendi emes kompanııalar sany 95-ke deıin qysqardy.
