Qazaqstanda 420 myń tonna kúnbaǵys daqyly bar

ASTANA. KAZINFORM — Ulttyq statbıýro Qazaqstanda qolda bar kúnbaǵys daqyly týraly aqparat jarııalady. 

2024 jylǵy ekinshi toqsandaǵy derekke sensek, elimizde azyq-túlik baǵytyndaǵy kúnbaǵystyń 419,9 myń tonna kólemi bar (sharýashylyq júrgizýshi 404 sýbektide). 

Jalpy kólemniń 165,7 myń tonnasy 24 maı zaýytynda tirkelgen. Bul rette kórsetilgen kólemniń 98,2% tek 11 maı zaýytyna tıesili. 

131,4 myń tonna kúnbaǵys ósimdik sharýashylyǵy ónimderin óndirýshilerde (257 respondent), 55,9 myń tonna — «jınaý jáne saqtaý» qyzmetimen atalǵan sýbektilerde (28 respondent) shoǵyrlanǵan.